Tuesday, September 18, 2012

අහිංසක පැතුමක්





ගෙවී යන හැම නිමේෂයකම
සිත තුටින් සැනහෙන විට
ඔබ හැගුම් අතර සැරිසරණ සිතුවිලි
නිරතුරු සොයයි ඔබ සෙනෙහසම....

දිලෙන නෙතු දිහා කල්පයක් වුව බලා ඉන්නට
හුරතල් වදන් අතර හුරතල් වන්නට
දගකාර සිනා අතර තනිවෙන්නට
ඔය උණුසුමේ දැවටෙන්නට
හද සොයයි නුබම නිරතුරු.......

අවිහිංසක මුව පොව්වෙකුගෙන් සේ
නොමදව ලැබෙන මහමෙරක් තරම් ආදරය
දෝතින්ම තුරුළු කරන් 
නුබ ලගම හිදින්නම්  
දිවි ඇති තුරාවටම ඔබ නමින්....



Wednesday, August 1, 2012

වෙනසක් සමග අයිස් යුගයක අවසානය





ඔන්න යාලුවනේ මාස 2 කට පස්සේ දැන් තමා පොඩ්ඩක් නිදහසේ හුස්ම ගන්නේ... විභාගේ ඉවරායි.... දැන් ඉතින් පොඩි පොඩි වැඩ වගයක් තියනවා ඒවා හිමිට ඉවර කරනවා.. දැන් ඉතින් මේකේ මන් මේ මාස 2 ක් තිස්සේ බලන් හිටපු වෙනසට කාලයයි. මුලින්ම මන් ඔයාලා හැමෝම මගේ ටෙඩිගේ ලෝකයට හුගක් ආදරයෙන් පිලිගන්නවා..... නම බොලද ඇති එත් අපි ජිවිතේ හුගක් ආස දේවලට කොහෙන් හරි තැනක් දෙන්න කැමැත්තක් තියන නිසා මන් මගේ බ්ලොග් එක සම්පුර්ණයෙන්ම වෙනස් කළා. නමේ ඉදන් තීම් එකයි ඉන්ටෙෆෙස් එකයි ඔක්කොම. හිරු කියන නම සැහෙන්න ලොකු දෙයක් කළා මගේ ජිවිතේ ඒ නම නිසා හුගක් කතා ඇහුවා. දැන් ඒ සම්පුර්ණ කතාවටම තිතක් තියනවා. අපි ඉපදුනොත් මැරෙනවානේ කවදා හරි ඔන්න ඉතින් හිරු කියන නමත් අද කළු කුහරයක් වෙලා යනවා. මේක කොහෙන් හරි ඉවරටම ඉවරයක් කරන්න මන් සැහෙන්න බලන් හිටියා.අද එකට නියම කාලය. හිරු නමින් ආපහු කවදාවත්ම මන් බ්ලොග් පොස්ට් ලියන්න කියවන්න එන්නේ නෑ යාලුවනේ... මිට පස්සේ මම ප්‍රදී කියන නමින් ඉන්නේ හොදේ.. මගේ අතින් කාටවත්ම නොදැන හෝ වැරද්දක් උනා නම් මන් සමාව ඉල්ලනවා මගේ යාලුවෝ හැමෝගෙන්ම...

මේක අස්සෙම මම අපේ අයිස් යුගයේ අවසානය ගැන කියලම යන්නම්කො...මේ පොස්ට් ලියලා ටික දවසක් උනත් ඔන්න අද එකත් මේ ගමන්ම කියාගෙන යන්නම් හොදේ....:)

අම්මියෝ සැහෙන්න කාලෙකින් මුකුත් ලියන්න බැරි උනානේ ඔන්න ඔහේ මොනවා හරි කොටලා දානවා කියලා හිත හිත ඉන්නකොට මේ ලගදි මල්ලි අයිස් ඒජ් ෆිල්ම් එකේ අලුත්ම කොටස ඇවිත් කියලා මට කිව්වේ... අපි තුන්දෙනා ඉතින් එකතු වෙලා ට්‍රේලර් එකත් බලලා පොඩි චැටක් දැම්මා පරණ සිද්දි ගැන මතක් කර කර එතකොට තමා මතක් උනේ අපේ අයිස් යුගය ගැන.අපේ අයිස් යුගය කියන්නේ අපි පොඩි කාලේදී තිබ්බා වතුර යුගය, අයිස් යුගය කියලා අපිම හදාගත්තු පිස්සු යුග ටිකක්. ඔන්න ඉතින් මන් කියන්න යන්නේ අපේ අයිස් යුගයේ සිද්ධ වෙච්ච සිදුවීමක්. මේක කියවලා ප්‍රදීගේ පිස්සු ඔලුව ගැන හිතා ගන්නකො.මේ සිද්දිය සිද්ද උනේ මම ඉස්කෝලේ 8 වසරේ විතර ඉදිද්දී. ඒ කාලේ අදට වඩා මේ ප්‍රදී දග මල්ලක්. දැන් නම් සැහෙන්න තැන්පත් ළමයෙක්නේ...;)

කොච්චර පිස්සු වැඩ කලත් මේ ෆිල්ම් එකේ ආසම චරිතේ මේකාත් මන් වගේම කොමිටල් නිසාද මන්දා..:D

මොකක් හරි ඡන්දයක් නිසා අපි හැමෝටම සැහෙන්න දිග නිවාඩුවක් ලැබුනා. අපේ අයියා නැන්දා එක්ක ගමේ ගිහින්. අපි තුන්දෙනා විතරයි සැහෙන්න කම්මැලිකමේ ගෙදර හිටියේ.ඉතින් නිවාඩුයි කියලා අපිට හැමදාම ගෙදර ඉන්න බැනේ කොහේ හරි රවුමක් දාල එමු කියලා කිය කිය හිටියා එත් අපිට තනියම කොහෙවත් යන්න දෙන්නේ නැනේ...:( 

ඔහොම ඉන්නකොට ඔන්න ඉතින් අපේ එක මාමා කෙනෙක්ගේ දුවෙක් කොළබ වැඩ කරන නිසා එයාට ඡන්දේ නිවාඩුවට හොස්ටල් ඉන්න කම්මැලිකමට අපේ ගෙදර ආවා. දැන් අපිටත් කම්මැලිකම ටිකක් අඩු උනා ඒක නිසා නැත්නම් පොඩි නිවාඩුවක් හම්බුනාම පිස්සුවක් නැටුවේ නැත්නම් ඒක අපිට කෑවෙ නෑ වගේනේ. දැන් අපි 4 දෙනා එකතු වෙලා ප්ලැනක් ගැහුවා කොහොම හරි අපේ අනිත් සෙට් එක එක්ක එකතු වෙලා පිස්සුවක් නටන්න. ඉතින් ඔන්න මන් අක්කට කිව්වා ඔයා අහන්න අක්කේ අපි තුන්දෙනා එක්ක අපේ ගෙදරට ටිකක් දුරින් ඉන්න ලොකු තාත්තලාගේ ගෙදර යන්නද කියලා ඉහල උසාවියෙන් විමසීමක් කරන්න. ඉහල උසාවියෙන් ඒකමතික අවසර ලැබුන නිසා අපිත් මිටිංහල කුරුල්ලන් මෙන් බස් එකේ නැගලා ලොකු තාත්තලාගේ ගෙදර පියාබලා ගියා. ඊට පස්සේ ඉතින් ඔන්න අපේ 4 දෙනාගේ සෙට් එකට තව 3 ක් සෙට් උනා. ලොකු තාත්තලාගේ ගෙදර අක්කයි, අයියයි, මල්ලියි. දැන් ඉතින් ඔක්කොම හතයි. දැන් ඉතින් අපි ඉවක්බවක් නැතුව සෙල්ලම් කළා දවසෙම, කාඩ් ගැහුවා, ක්‍රිකට්, බැඩ්මින්ටන් ගැහුවා, ඔය එක එක විකාර සෙල්ලම් කළා. කොහොම හරි අපි එක දවසින් ගෙදර එනවා කියලා පොරොන්දු වෙලා ආපු එක තාත්තට කෝල් කරලා දවස් දෙකකට දීර්ඝ කර ගත්තා. අම්මා ඉතින් අපේ තියන දැගලිල්ල දන්නා නිසා අකමැති උනත් තාත්තා අවසර දුන්න නිසා අම්මත් කමක් නෑ කියලා හිටියා. 

ඔන්න ඉතින් ඊට පස්සෙන්දා තමා මහා සංග්‍රාමය ඇරබුනේ. මාමගේ දුවට එදා හදිසියේම යන්න ඕන කියලා හොස්ටල් ගියා. අපි තුන්දෙනා රැ වෙලා තාත්තා එක්කන් යන්න එනවා කිව්වා නිසා අපි නැවතුනා. එදා ඡන්දේ දවස නිසා ලොකු අම්මයි, ලොකු තාත්තයි, ලොකු තාත්තලාගේ ගෙදර අක්කටයි ඡන්දේ තිබ්බා.අක්කගේ මුල්ම ඡන්දේ කොහෙද. කට්ටිය ඡන්දේ දාන්න යන්න ගියා. ලොකු තාත්තලාගේ දුවත් අපි ඉන්න නිසා නොයා ඉනත් හදලා පලවෙනි ඡන්දේ නිසා ආසාවට ජන්දේ දාල එන්න ගියා. ඡන්දේ දාන තැන තිබ්බේ ගෙදරට ටිකක් දුරින්. 

අපි පොඩි අය ටික විතරයි ගෙදර ඉතුරු උනේ ඔන්න එතනින්  තමා අපි අයිස් යුගයට ගියා. අපේ අයිස් යුගය කියන්නේ ඉතින් අයිස් කැට අරන් ගහ ගන්න එක.. :D ඔන්න ඉතින් මහා අයිස් සංග්‍රාමය පටන් ගත්තා. අපි පස් දෙනා පිල් දෙකකට බෙදිලා මිදුලට වෙලා දුව දුව අයිස් වලින් ගහගත්තා. මිදුලේ ගහ ගත්තු එක ටික වෙලාවකින් ගේ ඇතුල දක්වාම ගමන් කළා. ගේ ඇතුලේ වැඩි වෙලා සෙල්ලම් කරන්න උනේ නෑ අපේ ලොකු මල්ලි අයිස් කැටයක් පෑගිලා ටයිල් එකේ ලිස්සලා ගිහින් මුණ මේස කකුලක වද්දගත්තා. එයාව අපි එකතු වෙලා නැගිට්ටනකොට මෙන්න නහයෙන් ලේ වැක්කෙරෙන්න ගත්තා. දැන් සාලේ පුරාම ලේ. අපිට හිතා ගන්න බැරි උනා මොකද කරන්නේ කියලා. අපි ඔක්කොම එයා දිහා බය වෙලා බලන් ඉන්නවා. මට ඉක්මනටම මතක් උනා ලේ තුවාල උනාම අයිස් තියනවා නේද කියලා ඊටපස්සේ ඉක්මනටම අයිස් ටිකක් පොලිතින් බැග් එකක දාලා නහයට තියලා අල්ලන් හිටියා. ඊට පස්සේ ලොකු තාත්තලාගේ ගෙදර අයියා දුවල ගිහන් ත්‍රිවිල් එකක් අඩගහගෙන ආවා. අපි දෙන්න අපේ පොඩි මල්ලිටයි, ලොකු තාත්තලාගේ ගෙදර මල්ලිටයි ගෙදර ඉන්න කියලා ලොකු මල්ලිව අරන් ජන්දේ දාන තැනට ගියා. අපිට තේරුණා එකම දේ එකනේ එවෙලේ ඉතින්.

ඊටපස්සේ ඉතින් ඔක්කොම එකතු වෙලා මල්ලිව හොස්පිටල් එක්කන් ගියා එතැනදී x - ray කරලා බලද්දී එතන තියන අස්ථිය ( Vomer bone එක) කැඩිලා කියලා කිව්වා බෙහෙතුත් දාගෙන ආපහු ලොකු තාත්තලාගේ ගෙදරටම ආවා. ගෙදර එනකොට අපේ අනිත් දෙන්න ලේ පල්ලම් යවන්න කියලා මුළු ගේම හෝදනවා වතුර හෝස් එකක් අරගෙන. ඊටපස්සේ ඉතින් ලොකු අම්මා තාත්තාට කෝල් එකක් දීලා විස්තරේ කියලා තාත්තා ඇවිත් අපිව එක්කන් ගියා බනිනේ නැතුව. එත් ගෙදර ගියාම ඉතින් අම්මගෙන් නම් මදි නොකියන්න අහ ගත්තා. අද වෙනකන් නහයේ ඒ කැළල එයාගේ තියනවා. අපි ඉතින් කවුරු හරි ඒ ගැන ඇහුවාම විහිලු කරනවා අදටත් බොක්සින් ගහන්න ගිහින් කියලා. බොක්සින් ගහන අයගේ නහයේ ඒ අස්ථිය කඩනවද, කැඩෙනවාලුද කොහෙදනේ. එදා ඉදන් අපේ සෙට් එක වැඩිහිටියෙක් නැතුව තනියම ගෙදර දාල ගියේ නෑ..:)  

දැන් නම් ඒවා මතක් වෙනකොටත් හිනා. ඔන්න ඔහොමයි අපේ අයිස් යුගය නිමා උනේ. ඒ කාලේ මතක් වෙද්දී කොච්චර සුන්දරද කියල හිතෙනවා. කාලය ගත වෙනවත් එක්කම....:(  කාලය මැව් වෙනසක අරුමේ කියන්නේ ඕකට තමා ඉතින්..:(



ප.ලි :
අයිස් යුගය ගැන කියද්දී ප්‍රදී කියන මහා පඩිතුමිය මහද්වීප ප්ලාවිතය හෙවත් ලෝකයේ අතීතයේදී එකට එකතු වෙලා තිබ්බ මහද්වීප, වෙන් වෙන් මහද්වීප වලට වෙන්වීමට හේතු වෙච්ච පුද්ගලයා ගැන ලොකු ප්‍රකාශයක් නිකුත් කළා එකත් මෙතනම කොටලා යන්නම් නැත්නම් හරි නැනේ...:D ;) මගේ හොදම යාළුවො මේ ගැන දන්නවා හොදේ. මේකත් අයිස් ඒජ් පලවෙනි කොටස නැරබීමෙන් පස්සේ මගේ මහා ප්‍රඥාවට වැටහුනා දෙයක් තමා. "මහද්වීප ප්ලාවිතය ඇති කරන්න හේතු සාධකය තමා ඔය පහල පින්තුරේ ඉන්න ලේනා.." :D :P එකට තිබ්බ මහද්වීප ටික වෙන් වෙන් මහද්වීප 7 කට වෙන්වීම ගැන කවුරු හරි තරහකින් ඉන්නවා නම් ඒ ලේනව අල්ලගෙන සැරට දෙකක් කියන්න හොදේ... මාත් මේ එයාව අල්ල ගන්න බලන් ඉන්නේ.. ඔන්න මන් කවුද කියන එක හොයලා දුන්නා. මාව ඕකට ගාව ගන්න  එපා මන් හරි අහිංසකයිමම කලේ ඇති කරපු කෙනා හොයලා දුන්න එක විතරයි හොදේ.... :)
                                                         .
                                                         .
                                                         .
                                                         .
                                                         .
                                                         .
                                                         .
                                                         .
                                                         .
                                                         .
                                                         .
මෙන්න මෙයා තමා වැරදිකාරයා ඔන්න...:




ප.ප.ලි : මම බ්ලොග් ලියන්න ආපු දවසේ ඉදන් උදවු කරපු, උඩ තියන බැනර් එක හදන්න උදවු කරපු පැතුම් මල්ලියෝ ඔයාට හුගක් ස්තුතියි හොදේ...:)

 

 

 

 

 

 

Monday, July 9, 2012

හැමදාමත් ලගින්ම ඉන්නවා නේද..?

විබාගත් ලග ලගම එනවා..:'( බ්ලොග් එකක් තියනවද නැද්ද කියලා අමතක වෙලා.මේ මාසේ අන්තිම වෙනකන් ඔලුව උස්සන්න බැරි තරම් වැඩ ගොඩක් පිරිලා.මේ මාසෙට පොස්ට් එකක් නොදැම්මොත් හරි නැ කියලා හිතුන නිසා මේ පහුගිය දවසක පිස්සු තද වුන වෙලාවක ගලපපු වචන ටිකක් දාලා යන්න හිතුනා.මේක මගේ බුකියේ දාලා තිබුනා හැබැයි...මේක කියෙව්වාම හිතේවි හිරුගේ ඔලුව කොහේ හරි වැදිලා කියලා. ඇත්තටම ඔව් අලි පොත් කන්දක ඔලුව වැදිලා ඉන්නේ මේ දවස් වල...;)





මගේ පුංචිම පුංචි වලස් පැන්චෝ
ඔයා තමා මගේ හොදම යාලුවා
දුක හිතුනම බදාගෙන අඩන්නයි
සතුටු හිතුනම බදාගෙන හිනා වෙන්නයි
මන් අඩනකොට ඔයාට කතා කරන්න බැරි උනත්
ඔය පුංචිම පුංචි ඇස් වලින් අඩන්න එපා කියලා කියන්නයි
හිනාවෙලා ඉන්නකොට ඔය පුංචි ඇස් පුරෝලා
ආදරේ පෙන්නනවා බලන් ඉන්න මන් හුගක් ආසයි
මගේ පිස්සු කතා අහන් ඉන්න
මේ ලෝකේ කවුරු අකමැති උනත්
ඔයා මන් ලගින් ඉදන් හැමදාම ඒ කතා අහන් ඉන්නවා
ඔයා හොදටම දන්නවා මේ පුංචි පිස්සු හිත ගැන
මේ ලෝකේ කවුරු මාත් එක්ක තරහ උනත්
ඔයා කවදාවත් තරහ නොවී ඉන්නවා
මට ඉන්නෙත් ඔයා විතරයි වගේම
ඔයාට ඉන්නෙත් මන් විතරනේ
මේ පුංචි හිත පුරාම
ලොකු ආදරයක් තියනවා
හැමදාමත් ඔයා ගැන
මේ ඉන්නවා වගේම
හැමදාමත් ඉන්නවා නේද මන් ලගින්ම..?
 .
.
.
.
.
.
.
.
.
.
.
.
.
.
.
.
.
.
.

 මෙන්න මේ වලස් බබාව දැක්ක වෙලේ ඉදන් හිරුට මොනවද වෙලා....







ප.ලි  : මම බ්ලොග් ලියන එක අඩු උනත් හැමෝගෙම පොස්ට් කියවන්න අනිවාර්යෙන්ම ඉක්මන්ටම එනවා යාලුවනේ. අනේ හැමෝම සමාවෙන්න....:(

ප.ප.ලි.: හුගක් වෙලාවට විභාගෙන් පස්සේ පොස්ට් එකක් ලියනකොට මගේ බ්ලොග් එක හුගක් වෙනස් වෙලා තියේවි හොදේ....

Saturday, June 16, 2012

කොමාවක් නොතබා නැවතීමක් තැබූ උපන්දින තෑග්ග



යාලුවනේ, හුග කාලෙකට පස්සේ පොස්ට් එකක් ලියන්න අද ආවා. මේ දවස් ඇතුලතදී හුගාක් බ්ලොග් පොස්ට් කියවන්න  මගරුනා... මේ දවස් ටිකේ හුගාක් ප්‍රශ්න වලට මුණ දුන්නා. විභාග, අයියට අසනීප වීම වගේ දේවල් නිසා ජිවත් උනේ මේ ලෝකේ සිහියකින් කියලා කියන්න අමාරුයි. මේ ප්‍රශ්න ටික අඩු උන ගමන් මන් ඔයාල හැමෝගෙම පොස්ට් කියවන්න එනවා. ඒ වගේම කලින් පොස්ට් එක ලියලා මාසයක් වෙලත් තාම කොමෙන්ට් වලට උත්තර දීලා නැතුව ඇති. මන් එකත් ඉක්මනටම කරන්නම් හොදේ... හැමෝගෙන්ම ඒවාට සමාව ඉල්ලනවා මුලින්ම….:(





ආදරණිය හිරු,


අම්මා  තාත්තාගේ ,සහෝදරයන්ගේ ආදරේට පසුව ලැබුන වටිනම ආදරය වූ ඔයා වෙනුවෙන්ම අවසානයේදී  කවදාවත්ම ඔයාට නොදීපු විදියේ අවසාන උපන්දින තෑග්ගක් දෙන්න මන් තීරණය කලා. ඒ නිසා මේ ලිපිය ලියන්න ගත්තත් මට මගේ ජිවිතේ එක තැනක නැවතිලා ඉන්න ඕන නැති නිසාමයි. මට ගමන් කරන්න ඕන මගේම මාර්ගයක් තියනව මන් ඒ මාර්ගයේ කොච්චර බාධක ආවත් ඉස්සරහටම යනවා එදා වගේම අදටත්.ඔයා හොදටම දන්නවනේ මම දෙයක් කිව්වොත් ඒ දෙය කොහොම හරි මගේ උපරිමයෙන් කරනවා කියලා. එත් ඒ මාර්ගේ ගමන් කරද්දී සැහෙන්න  ලොකු ගැබුරු හෙලකට මාව ඇදන් වැටුනා.තාමත් මන් ඒ හෙලෙන් ගොඩ එනවා. කවද හරි දවසක මන් ඒ හෙලෙන් අපහු ගොඩ වෙනවමයි. අදට මාස 4යි දවස් 16කුයි ගතවුනු  කාලයක් තුල මේ ඇහෙන් ඔයා වෙනුවෙන් කදුළු  බින්දුවක් නොවැටුණු දවසක් හොයා ගන්න අමාරු වෙන්න පුළුවන්. අද වෙනකොට ඒ කදුළු වලට නැවතීමේ තිත තියලා තියෙන්නේ අඩන්න කදුළු හැමදාම නෑ වගේම, ඇහැට ඇගිල්ලෙන් ඇනගෙන අඩන්න උවමනාවක් නැති නිසයි.

ජිවිතේ ගෙනියද්දි කොච්චර බාධා ආවත් ඒවා ගැන හිතන්න දැන් මගේ හිතේ ඉඩ අඩු වේවි. මේ පුංචි හිතට හුගක් ආදරය ගෙනත් දුන්නට ඔයාට හුගක් පින්. ආදරය කියන දේ පිටුපස්සේ තියන දුක කියන බැරෑරුම් දේ එදා තේරුම් ගන්න බැරි උනත් මන් අද ඒක හොදට තේරුම් අරන් ඇති. ඔයා මගේ ජිවිතේ අතීතය. මගේ අනාගත ජිවිතයේ අඩිතාලමේ පුරුකක් වේවි. ඒ අතීතය දිහා ආපහු හැරිලා බලලා කවදා හරි හිනා වෙන්න මන් මගේ අනාගතේට ගමන් කරනවා. සමහර විට ඔයා මේක කියවනවා ඇති නොකියවනවා නම් ඒක හුගක් හොදයි. මම ඔයාගේ හිත ලග නැවතිලා මගේ ජිවිතේ වටිනා කාලය ගෙවා දැමුවත් ලෝකය නැවතුනේ නෑ කියලා මම දන්නවා. මම ඔයාගේ ආදරේ ඔයාටම බාර දීලා ඔයාගේ සතුට දුන්නනේ. ඒ සතුටත් එක්ක හැමදාම හුගක් සතුටින් ඉන්න. ඔයා හිනා වෙලා ඉන්න තරමටම මටත් හිනා වෙලා ඉන්න පුළුවන් හැමදමත්ම. ඔයාලා දෙන්න එක්ක මගේ හිතේ කවදාවත්ම කිසිම තරහක් නෑ.

අදින් පස්සේ හුගාක් දේවල් වල හුගාක් වෙනස්වීම් වේවි ඒ හැම වෙනසටම මම ලෑස්තියි. ඔයාට කියන්න අන්තිමට හුගාක් දේවල් ඉතුරු උනත් ඒ හැමදේම වලලා දානවා. උත්තර දැන ගන්න ඕන ප්‍රශ්නෙත් එහෙම්මම අතෑරියා. ඔයාගේ ආදරය හුගාක් හොදින් බලා ගන්න. දුකක් දෙන්න එපා කවදාවත්ම. මන් මේවා කියන්න ඕන නෑනේ ඔයා ඒවා හොදටම දන්වනේ. මට කියන්න ඕන උන වැදගත්ම දේ මම කිව්වා. එහෙනම් හුගාක් සතුටින් ඉන්න හැමදාමත්ම..

ඔයාට වෙනදා  වගේ රෑ 12 පහු උන ගමන්ම සුබපැතීම කරන්නේ නෑ මන්. එත්, ඔයාට සුබම සුබ උපන්දිනයක් සහ ඔයාගෙම සියලුම ප්‍රාර්ථනා ඉෂ්ටවෙන්න කියලා හදවතින්ම ප්‍රාර්ථනා කරනවා…!!!


මෙගේ නොවූ හිරු, මේ ඔයාට ලියන ප්‍රථම සහ අවසාන ලියුමයි. හැමදේකටම දැන් මම කොමාවක් නෙවෙයි නැවතීමේ තිතක්ම තිබ්බා......

මිට,
ඔයාගේ අතීතයෙන් මාසයක්....;)


 මෙන්න මගේ අවසන් උපන්දින තෑග්ග.....;)
.
.
.
.
.
.
.
.
.
.
.
.
 .
.
.
.
.
.
.
.
.
.
.
.
.
.
.
.
 



ප.ලි : මේක කියවන මගේ යාළුවො හිතුවට කමක් නෑ මට පිස්සු කියලා. මොකද හිරු හිරුටම අද ලියුමක් ලිව්වා...;) එත් මේක හිරු හිරුටම ලියපු දෙයක්ද කියලා තීරණය කිරීම ඔයාලටම බාරයි.

 ප.ප.ලි:  හිතට  හුගක්ම වද දීපු මේ කාල පරිච්චේදයෙන් මන් සදහටම ඇත් වෙන්න හිතාගෙන මේක ලියලා ඉවරයක් කළා... ඔන්න මට මේක ලිව්වට බනින මගේ යාලුවෝ බනින්න, මගේ පොස්ට් එක කියවන්න එන්නේ නෑ කියපු අයට ඔන්න කිව්වා මන් ආපහු දුකින් කිසි දෙයක් ලියන්නේ නෑ හොදේ... ලිව්වත් ලියන්නේ හිනා වෙලා..... ඒ වගේම කියන්න ඕනේ මේ පොස්ට් එකේ වැරදීමක් තිබ්බොත් සමාවෙන්න මොකද මට මේක ලියලා කියවන්න තරම්වත් කිසිම හිතක් නෑ... :(

මෙයා අඩුවට මන් හිනා වෙලා ඉන්නේ හොදේ..:)